Chama Cha Mapinduzi -CCM

Habari na Matukio Mbalimbali

RAIS wa Zanzibar na Mwenyekiti wa Baraza la Mapinduzi, Mhe. Dk. Hussein Ali Mwinyi, amemuapisha Naibu Mkuu wa Kikosi Maalum cha Kuzuia Magendo (KMKM) Zanzibar, Kepteni Hussein Mohamed Seif.

Hafla ya uapisho huo ilifanyika ukumbi wa Baraza la Mapinduzi - Ikulu, Zanzibar na kuhudhuriwa na viongozi mbalimbali wa Serikali akiwemo Makamu wa Kwanza na wa Pili wa Rais wa Zanzibar, Othman Masoud Othman na Hemedi Suleiman Abdulla.

Kepteni Seif awali alikua Mkuu wa Operesheni na Mipango ya Utendaji KMKM, kabla ya uteuzi wake, Mei 13 mwaka huu.

Amechukua nafasi ya Kepteni Khatib Khamis Mwadini aliekua Naibu wa KMKM awali, ambae kwasasa atapangiwa nafasi nyengine.

Viongozi wengine wa Serikali waliohudhuria hafla hiyo ya uapisho wa Kepteni Hussein ni pamoja na Katibu Mkuu Kiongozi na Katibu wa Baraza la Mapinduzi, Mhandisi Zena Ahmed Said, Wajumbe wa Baraza la Mapinduzi (BLM), Waziri wa Nchi Ofisi ya Rais, Tawala za Mikoa, Serikali za Mitaa na Idara Maalum za SMZ (OR-TMSMIM), Masoud Ali Mohammed, Mkuu wa KMKM, Zanzibar Commodore, Azana Hassan Msingiri na viongozi wengine wa KMKM.

Habari Nyingine

Nukuu za Viongozi

Niwapongeze Umoja wa Wanawake Tanzania kwa mambo matatu makubwa; UWT imefanya kazi kubwa ya kutayarisha viongozi, kubadilisha mitazamo ya wanawake wa Tanzania na kusimama kwa ajili ya Chama Cha Mapinduzi.

Dkt. Samia Suluhu Hassan

Oktoba 2021 - Rufiji, Pwani

Ni ukweli usiopingika kwamba mchango wa mwanamke una nafasi muhimu katika uchumi, siasa na mustakabali wa Taifa, ukizingatia nafasi ya ulezi na ujenzi wa uchumi.

2021 - Ikulu, Dar Es Salaam

Habari na Matukio Mbalimbali

Nukuu za Viongozi

Chama Cha Mapinduzi

Muda wa Kazi

Siku ya Kusikiliza Kero