🔰VYAMA VYA UKOMBOZI KUSINI MWA AFRIKA VYAIMARISHA MSHIKAMANO, DKT. DIMWA AHITIMISHA MAFUNZO MAALUM

Naibu Katibu Mkuu CCM Zanzibar Dkt. Mohamed Dimwa Leo tarehe 23 Mei 2026 amehitimisha mafunzo maalum yaliyokuwa yakifanyika kuanzia tarehe 16 hadi 23 Mei 2026 kwa viongozi kutoka vyama sita rafiki vya ukombozi Kusini mwa Afrika ambavyo ni Chama Cha Mapinduzi (CCM - Tanzania), SWAPO (Namibia), FRELIMO (Msumbiji), MPLA (Angola), na African National Congress (ANC - Afrika Kusini). Mafunzo hayo yamehitishwa hapo jana trh 23 Mei, 2026 katika ukumbi wa Mwalimu Julius Nyerere Leadership School uliopo Kibaha Mkoa wa Pwani. Mafunzo hayo yaliyoongozwa na kaulimbiu isemayo, “Kusalia Waaminifu kwa Misingi na Dhima Yetu ya Awali, Tukisonga Mbele Pamoja Kuelekea Maendeleo ya Kisasa,” yameelezwa kuwa yamekuja katika wakati muafaka ambapo dunia inaendelea kushuhudia mabadiliko makubwa ya kisiasa, kiuchumi na kiutamaduni yanayohitaji uimara wa misingi ya vyama vya ukombozi. Viongozi walisisitiza kuwa vyama hivi vina wajibu mkubwa wa kuendelea kulinda mamlaka ya wananchi, kuimarisha mshikamano wa kikanda, na kuhakikisha maendeleo ya nchi zao yanaendelea kujengwa kwa misingi ya uhuru, utu, uzalendo na kujitegemea bila kuendeshwa na misukumo ya kimagharibi inayoweza kupotosha dira ya mataifa yao. Aidha, Dkt. Dimwa ameelezwa kuwa kupitia mafunzo haya na ushirikiano wa kimkakati baina ya vyama hivyo, juhudi zaidi zitaelekezwa katika kuimarisha ideolojia, kukuza uongozi wenye maadili, na kujenga kizazi kipya cha viongozi watakaolinda historia, misingi na malengo ya vyama vya ukombozi vilivyopigania uhuru wa mataifa yao. Viongozi hao wameahidi kuendeleza mshikamano huo wa kihistoria kwa vitendo, wakiamini kuwa umoja wao ndio nguzo ya kudumu ya maendeleo, amani na ustawi wa Kusini mwa Afrika. 📅: Mei 23, 2026 📍: Kibaha, Zanzibar #ccm_zanzibar #ccm_tanzania #vitendovinasauti #yajayoneemazaid