CCM - Chama Cha Mapinduzi
Muda Wa Kazi: 24/7

Habari na Matukio Mbalimbali


Katibu Mkuu wa Chama Cha Mapinduzi (CCM) Dkt. Bashiru Ally Kakurwa amekutana na kufanya mazungumzo na Balozi wa China Nchini..

alternative

Katibu Mkuu wa Chama Cha Mapinduzi (CCM) Dkt. Bashiru Ally Kakurwa amekutana na kufanya mazungumzo na Balozi wa China Nchini Tanzania Bi. Wang Ke. Mazungumzo hayo yamelenga katika kuendelea kuimarisha ushirikiano wa kiuchumi baina ya nchi hizi mbili.

Mazungumzo hayo yamefanyika leo tarehe 12 Desemba, 2020 katika Ofisi za Makao Makuu ya CCM jijini Dodoma.

"China tumeongea na Katibu Mkuu wa CCM kuhusu malengo yetu ya kiuchumi ya muda mfupi na muda mrefu, na Katibu Mkuu ametueleza malengo ya maendeleo ya Tanzania kwa mwaka 2021-2025 na 2021-2030, tumepata kufahamiana vema kila mmoja wetu na sasa ushirikiano wetu utaimarika zaidi." Balozi Wang Ke

Balozi ameongeza zaidi kwa kusisitiza kuendeleza ushirikiano kati ya Chama Cha Kikomunisti cha watu wa China (CPC) na CCM, na China wanautazama ushirikiano wetu kama ni wenye manufaa makubwa kati ya mataifa haya mawili kwa siku za mbeleni.

Wakati huo huo, Katibu Mkuu akifafanua kwa ufupi mazungumzo hayo, ameeleza kuwa, yamelenga agenda ya maendeleo katika nchi yetu na ushirikiano wetu wa kihistoria kati ya China na Tanzania na kati ya CPC na CCM, hasa ushirikiano katika sekta za uwekezaji, Afya na Elimu ya ufundi ili kukuza soko la ajira, kama Ilani ya Uchaguzi ya CCM ya mwaka 2020-2025 ilivyoahidi.

Aidha, Katibu Mkuu amepokea salama za pongezi kutoka serikali ya China kwa ushindi mkubwa wa CCM na kwa kuendesha uchaguzi wetu kwa gharama za ndani, jambo ambalo ni geni kwa mataifa mengi ya Afrika.

Huu ni utaratibu wa viongozi wa Chama kuendelea kujenga na kuimarisha mahusiano kati ya Tanzania na mataifa mengine yenye dhamira na nia njema kwa Nchi yetu.

Maoni & Mawasiliano

Unaweza kuwasiliana na CCM, kwa kutumia anuani hapo chini kwa Maswali yoyote na Maoni.
Chama Cha Mapinduzi, Kuu Street, P.O.Box 50, Dodoma-TZ.
Barua Pepe
Muda Wa Kazi
24/7
Anuani
P.O.Box 50